Akademiku Rexhep Qosja sot mbushi 87 vjet. Me këtë rast, krerët e shtetit shqiptar e uruan Qosjen për ditëlindje, si dhe e vlerësuan lart figurën e tij.
Presidenti i Shqipërisë, Bajram Begaj për Qosjen u shpreh se është pasuri kombëtare.
“Shumë urime për ditëlindje Akademikut Rexhep Qosja! Profesor Qosja është një pasuri kombëtare e mendimit të cilin e ka shprehur me shqipen plot elegancë në krijimtarinë e tij shkencore, historike, letrare, artistike dhe publicistike. Jetë të gjatë e të lumtur Profesor!”, shkroi Begaj në Facebook.
Me rastin e 87-vjetorit të lindjes, Qosjen e uroi edhe kryetarja e Kuvendit të Shqipërisë, Lindita Nikolla. Ajo i uroi shëndet e jetë të gjatë.
“Sot, në ditën e lindjes, i uroj akademikut të shquar, Rexhep Qosja, shëndet, jetë të gjatë e të lumtur dhe vijimin e krijimtarisë së Tij të begatë, në shërbim të shqiptarëve!”, shkroi Nikolla në Facebook.
Rexhep Qosja ka lindur më 25 qershor të vitit 1936 në Vuthaj të Malit të Zi. Ai është historian letërsie, kritik letrar, shkrimtar, publicist, politikan dhe akademik. Ai është autor i disa romaneve të njohura.
© SYRI.net
Google Maps zbulon përditësimin më të fundit
Filmat romantikë që do na ngrohin zemrën gjatë këtij viti 
Për të qenë të qartë: TikTok dallon përmbajtjen e krijuar nga Inteligjenca Artificiale
Denonco
Merrni lajmet më të fundit nga SYRI.net në çdo moment dhe kudo që të jeni!
