Ish-presidenti i klubit FK Partizani, Albert Xhani, ka dalë publikisht në mbështetje të protestës kundër kryeministrit Edi Rama.

Përmes një postimi në rrjetin social Facebook, Xhani ka shprehur qëndrimin e tij kundër qeverisë, duke shkruar shkurt: “Poshtë narkoregjimi.”

Reagimi i ish-drejtuesit të Partizanit ka tërhequr vëmendje edhe për shkak të lidhjes së tij historike me klubin e kuq, i cili gjatë viteve të fundit ka kaluar nën një strukturë të re drejtimi.

Me ardhjen e Edi Ramës në pushtet, administrimi i Partizanit lidhet me biznesmenin Gaz Demi, dhe vëllain e kryeministrit, Olsi Rama.

Deklarata e Xhanit vjen në një moment kur protesta qytetare po intensifikon aksionin në rrugë kundër qeverisë së kryeministrit Edi Rama.