Një tjetër lëvizje e rëndësishme po merr formë në merkato, teksa Monaco është shumë pranë sigurimit përfundimtar të Ansu Fati.

Klubi francez po përgatitet të aktivizojë klauzolën e blerjes prej 11 milionë eurosh, me marrëveshjen që konsiderohet në fazë shumë të avancuar dhe mund të mbyllet në ditët në vijim.

Nga ana tjetër, Barcelona është plotësisht në dijeni të situatës dhe nuk pritet të vendosë pengesa për largimin e sulmuesit.

Kontaktet mes palëve janë intensifikuar ndjeshëm, duke sinjalizuar se transferimi është vetëm çështje kohe.

Nëse gjithçka zyrtarizohet, kjo do të shënojë fundin e një kapitulli të rëndësishëm për Fati në “Camp Nou”, aty ku ai u konsiderua për vite me radhë si pasardhësi i denjë i legjendave të klubit.

Megjithatë, dëmtimet e shpeshta ndalën rritjen e tij dhe e penguan të arrijë potencialin e pritur në nivelet më të larta.

Kalimi në Ligue 1 me Monacon shihet si një mundësi e artë për 21-vjeçarin për të rindërtuar karrierën.

Një ambient i ri, më pak presion dhe besimi i klubit francez mund ta ndihmojnë Fati të rikthejë formën që dikur e bëri një nga talentet më të kërkuar në Europë.

Tani mbetet vetëm firma për të vulosur një transferim që mund të rezultojë vendimtar për të ardhmen e tij.