Harry Kane po zhvillon një sezon të jashtëzakonshëm me Bayern Munich, duke arritur tashmë në kuotën e 50 golave në të gjitha kompeticionet.

Sulmuesi anglez ka realizuar 31 gola në 26 ndeshje të Bundesligës, 12 gola në 11 ndeshje të Ligës së Kampionëve, 6 gola në 4 ndeshje të Kupës së Gjermanisë, si dhe një gol në Superkupën e Gjermanisë. Këto shifra u vulosën edhe me golin e tij ndaj Real Madridit në çerekfinalet e Champions-it, duke konfirmuar një sezon historik në aspektin personal.

Kane po udhëheq garën për “Këpucën e Artë” dhe po mban një ritëm më të lartë se kurrë më parë në karrierë. Megjithatë, ai synon edhe rekordet historike të golave në një sezon të vetëm, ku dominimi i Lionel Messit dhe Cristiano Ronaldos mbetet ende i pathyer.

Bayern Munich ka të paktën 8 ndeshje të garantuara deri në fund të sezonit, me mundësi për më shumë në varësi të ecurisë në Kupën e Gjermanisë dhe Ligën e Kampionëve. Për të thyer rekordin absolut të Lionel Messit (73 gola në sezonin 2011/12), Kane do të duhet të shënojë të paktën edhe 23 gola të tjerë. Ndërsa për të arritur në podiumin historik, do t’i mjaftonin edhe 11 gola të tjerë.

Top 5 golashënuesit në një sezon të vetëm:

• Lionel Messi – 73 gola (2011/12, Barcelona)
• Romario – 66 gola (2000, Vasco da Gama)
• Cristiano Ronaldo – 61 gola (2014/15, Real Madrid)
• Cristiano Ronaldo – 60 gola (2011/12, Real Madrid)
• Lionel Messi – 60 gola (2012/13, Barcelona)

Në renditjen për “Këpucën e Artë”, Kane kryeson me 62 pikë, i ndjekur nga Kylian Mbappé me 46 dhe Erling Haaland me 44.

Klasifikimi për Këpucën e Artë:

1. Harry Kane (Bayern) 62 pikë

2. Kylian Mbappé (Real Madrid) 46

3. Erling Haaland (Manchester City) 44

4. Vedat Muriqi (Mallorca) 42

4. Igor Thiago (Brentford) 42

6. Dion Beljo (Dinamo Zagabria) 37,5

7. Luis Suárez (Sporting CP) 36

7. Deniz Undav (Stuttgart) 36

9. Ayase Ueda (Feyenoord) 34,5

10. Paul Onuachu (Trabzonspor) 33

11. Lautaro Martinez (Inter) 32

11. Joaquin Panichelli (Strasburg) 32

11. Esteban Lepaul (Rennes) 32

11. Ante Budimir (Osasuna) 32

15. Vangelis Pavlidis (Benfica) 31.5

16. Aleksandar Katai (Zvezda) 30

16. Mason Greenwood (Marseille) 30

16. Luis Diaz (Bayern) 30

16. Antoine Semenyo (Manchester City) 30

16. Lamine Yamal (Barcellona) 30