Janë publikuar formacionet zyrtare për sfidën e kthimit të çerekfinaleve të UEFA Champions League mes Liverpoolit dhe Paris Saint-Germain, me francezët që vijnë me avantazhin 2-0 nga ndeshja e parë.

Trajneri i Liverpoolit, Arne Slot, ka bërë zgjedhje të forta, duke lënë në stol ‘yllin’ Mohamed Salah. Në sulm, tekniku holandez i ka besuar dyshes Alexander Isak-Hugo Ekitiké, me Florian Wirtz që vepron pas tyre si organizator.

Në portë është Giorgi Mamardashvili, ndërsa në mbrojtje rreshtohen Jeremie Frimpong, Ibrahima Konaté, Virgil van Dijk dhe Milos Kerkez. Mesfusha përbëhet nga Dominik Szoboszlai, Ryan Gravenberch dhe Alexis Mac Allister.

Nga ana tjetër, Paris Saint-Germain i drejtuar nga Luis Enrique zbret në fushë me një 4-3-3 shumë cilësor. Në portë është Matvey Safonov, ndërsa mbrojtja përbëhet nga Achraf Hakimi, Marquinhos, Willian Pacho dhe Nuno Mendes.

Në mesfushë luajnë Warren Zaïre-Emery, Vitinha dhe João Neves, ndërsa në sulm paraqitet një treshe shumë e rrezikshme me Désiré Doué, Ousmane Dembélé dhe Khvicha Kvaratskhelia.

Ndeshja pritet të jetë spektakolare, me Liverpoolin që kërkon përmbysjen dhe PSG-në që synon të mbrojë avantazhin për të siguruar kalimin në gjysmëfinale.