Liverpooli përballet sonte me një mision të vështirë ndaj Paris Saint-Germain në çerekfinalen e kthimit të Champions League. Të kuqtë janë në disavantazh 0-2 pas ndeshjes së parë në Paris dhe do të kërkojnë një tjetër mbrëmje magjike në “Anfield”.

Skuadra e drejtuar nga Arne Slot vjen në këtë sfidë me moral të rritur pas fitores 2-0 ndaj Fulhamit në kampionat.

Megjithatë, përballë kanë një PSG shumë të fortë, që e fitoi takimin e parë falë golave të Désiré Doué dhe Khvicha Kvaratskhelia.

Nga ana tjetër, skuadra e Luis Enrique synon të ruajë avantazhin dhe të sigurojë kualifikimin.

Parizienët kanë pasur kohë të plotë për përgatitje, pasi nuk zhvilluan ndeshje në fundjavë, dhe vijnë me një seri shumë pozitive rezultatesh.

Gjendja e skuadrave

Te Liverpooli, rikthimi i mundshëm i Alexander Isak është një lajm i mirë për repartin ofensiv.

Megjithatë, mungesat mbeten problem, me Alisson Becker, Stefan Bajčetić dhe Conor Bradley jashtë. Ndërkohë, Curtis Jones është në dyshim.

Te PSG, rikthimi i Bradley Barcola shton opsionet në sulm, ndërsa mungojnë Fabián Ruiz dhe Quentin Ndjantou.

Vëmendje e veçantë do t’i kushtohet edhe Achraf Hakimit, që pritet të arrijë një shifër të rëndësishme paraqitjesh në këtë kompeticion.

Formacionet e mundshme

Liverpool (4-3-3):

Mamardashvili; Frimpong, Konaté, Van Dijk, Kerkez; Gravenberch, Mac Allister; Salah, Szoboszlai, Wirtz; Ekitiké

PSG (4-3-3):

Safonov; Hakimi, Marquinhos, Pacho, Mendes; Zaïre-Emery, Vitinha, Neves; Doué, Dembélé, Kvaratskhelia

Ndeshja zhvillohet në stadiumin “Anfield” dhe nis në orën 21:00.

Liverpooli shpreson në një përmbysje historike, ndërsa PSG synon të tregojë pjekuri dhe të mbrojë avantazhin për të prerë biletën drejt gjysmëfinales.