Bayer Leverkusen arriti një fitore shumë të rëndësishme 1-0 në transfertë ndaj Borussia Dortmund, duke forcuar ndjeshëm shpresat për një vend në Champions League.

Goli i vetëm i ndeshjes u realizua nga Robert Andrich, i cili shënoi me një goditje të saktë pak para përfundimit të pjesës së parë, duke përfituar nga një moment pasigurie në mesfushën e vendasve.

Dortmund, që vinte pas katër fitoreve radhazi në Bundesliga, nuk arriti të imponojë stilin e zakonshëm të lojës.

Rasti më i mirë në pjesën e parë për vendasit u ndal mbi vijën fatale, ndërsa në pjesën e dytë loja u përqendrua kryesisht në mesfushë, me pak raste të pastra shënimi.

Në minutat e fundit, Leverkusen u tregua më këmbëngulës, ndërsa Dortmundi iu afrua barazimit vetëm në shtesë.

Serhou Guirassy goditi traversën, ndërsa Julian Brandt humbi një mundësi të mirë për të shmangur humbjen.

Pavarësisht këtij rezultati, Borussia Dortmund mbetet e qetë në vendin e dytë në renditje, me një diferencë të konsiderueshme nga ndjekësit.

Nga ana tjetër, Bayer Leverkusen ngjitet në vendin e pestë, vetëm një pikë larg zonës që siguron pjesëmarrjen në Ligën e Kampionëve.