Kombëtarja e Kosovës ka arritur një fitore historike në transfertë ndaj Sllovakisë, duke triumfuar me rezultatin spektakolar 3-4 në Bratisllavë.

Me këtë sukses, “Dardanët” sigurojnë kualifikimin në finalen e play-off-it për Botërorin 2026.

Në finale, Kosova do të përballet me Turqinë më 31 mars në stadiumin “Fadil Vokrri”.

Ndeshja nisi me avantazhin e vendasve, që shënuan në minutën e 6-të me Martin Valjent.

Kosova reagoi dhe barazoi në minutën e 21-të me një supergol nga Veldin Hoxha, pas asistimit të Mërgim Vojvoda.

Sllovakia riktheu epërsinë në fund të pjesës së parë me golin e Lukáš Haraslín në minutën e 45-të.

Me nisjen e pjesës së dytë, Kosova reagoi menjëherë dhe barazoi në minutën e 47-të me kokë përmes Fisnik Asllani, sërish pas një asistimi të Vojvodës.

“Dardanët” kaluan në avantazh për herë të parë në minutën e 60-të, kur Florent Muslija realizoi një gol spektakolar nga goditja e lirë.

🚨🌍 | GOAL: FLORENT MUSLIJA GIVES THE LEAD FOR KOSOVO WITH A FANTASTIC FREE-KICK!

WHAT A GAME!

🇸🇰 Slovakia 2-3 Kosovo 🇽🇰

pic.twitter.com/OJA00PC8Gh

— TheGoalsZone (@TheGoalsZone) March 26, 2026

Dominimi i Kosovës vazhdoi dhe në minutën e 72-të, Kreshnik Hajrizi shënoi golin e katërt, pas asistimit të Albian Hajdari.

Në fund, Ivan Strelec ngushtoi shifrat në minutën e 94-të, por pa ndryshuar fatin e ndeshjes.

🚩 Live: Slovakia 3-4 Kosovo

⚽️ Goal: Strelec (90+4') pic.twitter.com/ZWsjmy3VUY

— Football Xpert (@footballxpert) March 26, 2026

Kosova menaxhoi epërsinë dhe siguroi një fitore të madhe historike.

Kjo përballje tregoi karakterin dhe forcën e skuadrës së drejtuar nga Franco Foda.

Tani, “Dardanët” janë vetëm një hap larg një kualifikimi historik në Botërorin 2026.

💥Kreshnik Hajrizi

🇸🇰 Slovakia 2-4 Kosovo 🇽🇰

pic.twitter.com/zj9X0Ss2aQ

— Football⚽ (@footballz_tv) March 26, 2026