Një yll i ri ka shpërthyer te Real Madridi, duke tërhequr vëmendjen e gjithë botës së futbollit.

Bëhet fjalë për talentin e ri Thiago Pitarch, i cili ka hyrë në histori me një rekord të jashtëzakonshëm në Champions League.

Mesfushori 18-vjeçar ka fituar besimin e trajnerit dhe është aktivizuar si titullar në një ndeshje shumë të rëndësishme, duke konfirmuar potencialin e tij të madh.

Me këtë paraqitje, ai është bërë lojtari më i ri në historinë e klubit madrilen që luan si titullar dy herë në fazat me eliminim direkt të Championsit.

Pitarch e arriti këtë rekord në moshën 18 vjeç e 226 ditë, duke thyer një rekord që mbahej nga Vinicius Junior që nga viti 2019. Në atë kohë, braziliani kishte arritur këtë arritje në moshën 18 vjeç e 236 ditë.

Ky moment shënon një hap të madh në karrierën e të riut, i cili tashmë konsiderohet si një nga talentet më premtues në Evropë. Performancat e tij kanë bindur stafin teknik dhe tifozët se Reali ka zbuluar një tjetër diamant për të ardhmen.

Në një klub me histori të jashtëzakonshme si Real Madridi, thyerja e rekordeve të tilla nuk është aspak e lehtë.

Megjithatë, Pitarch po tregon se është gati për skenën e madhe dhe për të lënë gjurmë në futbollin evropian.