Trajneri Arne Slot pranoi se një barazim do të kishte qenë ndoshta rezultat më i drejtë pasi Liverpool mori një fitore të vonshme ndaj Nottingham Forest, edhe pse ai shpreson se fati po kthehet në anën e tyre.

Alexis Mac Allister shënoi golin e fitores në minutën e 97-të për t’i dhënë “The Reds” triumfin 1-0, pasi më herët iu anulua një gol vetëm një minutë para përfundimit të kohës së rregullt.

Megjithatë, Forest ishte dominues në pjesën e parë, duke regjistruar 12 tentativa kundrejt dy goditjeve jashtë kuadratit nga Liverpooli, ndërsa tre nga katër goditjet në portë të mysafirëve erdhën vetëm nga minuta e 89-të e tutje.

Edhe pse ishin tri pikë të rëndësishme në garën e Liverpoolit për një vend në Ligën e Kampionëve, Slot mendon se skuadra e tij pati fat që doli me fitore.

“Kur shënon në minutën e fundit, gjithmonë ka një element fati, por shumë herë këtë sezon kemi përjetuar të kundërtën.

Një barazim do të kishte qenë rezultat më i drejtë se sa fitorja për ne.

Nëse mbështetemi te një lojtar i vetëm, atëherë gjërat nuk janë në rregull, por nuk është ky rasti. Dikush tjetër duhet ta bëjë punën. Pjesa e parë ishte e vështirë sepse Forest luajti mirë dhe ka lojtarë të mirë.

Doja më shumë kontroll mbi mesfushën e tyre. E theksova sa mirë luajtën, por ne humbëm çdo top. E vetmja pjesë e lojës ishte mbrojtja brenda zonës. Duhej të mbronim shumë goditje standarde. Qëndruam në lojë.

E morëm kontrollin e ndeshjes në pjesën e dytë, ndoshta sepse ata luajtën të enjten. Shënuam dy herë dhe nuk do të isha i befasuar nëse të dy golat do të anuloheshin, por ndoshta fati ynë po kthehet”, deklaroi tekniku i Liverpoolit.

Liverpooli mbetet në garë për të hyrë në top katër, ndërsa ëndërrojnë të bëjnë ndonjë mrekulli në Ligën e Kampionëve.