Spanja fitoi Botërorin e femrave, duke mposhtur Anglinë në finale, por një episod i ndodhur në fund të ndeshjes ka bërë bujë të madhe.
Në ndarjen e medaljeve, presidenti i federatës spanjolle, Luis Rubiales, u fokusua teksa puthi në faqe dhe më pas në buzë, lojtaren Hermoso.
Kjo ka shkaktuar polemika të mëdha dhe ka bërë që Rubiales të reagojë. Ky i fundit u shpreh se nuk kishte sfond dashakeqës, ndërsa kërkoi që të injorohen ata që thonë budallëqe. Sipas tij, duhet të shijohen gjërat e mira, nga ky sukses.
"Le të injorojmë budallenjtë dhe idiotët, me të vërtetë. Është kulmi i një momenti të dy miqve që festojnë diçka.
Le ta injorojmë këtë gjë dhe të shijojmë gjërat e mira. Ishte diçka që u bë pa një sfond të keq. Nëse ka budallenj, le të vazhdojnë me budallallëqet e tyre. Nuk u bë me keqdashje, nëse njerëzit duan të humbin kohën me këtë gjë, le ta bëjnë", u shpreh ai.
© SYRI.net
Bëje LIKE dhe merr lajmin e fundit nga Sporti: