Presidenti i Barcelonës, Joan Laporta, zbuloi se edhe pse Lionel Messi nuk është më lojtar i “Blaugranave”, katalanasit do të vazhdojnë të paguajnë pagën e tij deri në vitin 2025.

Në një intervistë të dhënë së fundmi, Laporta theksoi se klubi i Barçës është duke vuajtur pasoja e drejtuesve të mëparshëm dhe që ende paguan paga të lojtarëve që nuk luajnë më për ta, siç është rasti i yllit argjentinas.

“Ne kemi ende pagesa të papaguara me Messin që përfundojnë në vitin 2025. Ky është rezultat i marrëveshjeve me menaxhmentin e mëparshëm”, deklaroi Joan Laporta.