Sezoni aktual, është një nga ata më të mirët që Luciano Spalletti ka drejtuar si trajner. Tekniku 64-vjeçar arriti këtë sezon të rikthejë titullin kampion në Napoli pas 33 vitesh pritje.
Megjithatë, e ardhmja e trajnerit italian nuk është e sigurt dhe hipoteza më e mundshme është lamtumira e tij. Presidenti i Napolit, Aurelio De Laurentiis u shpreh se nuk do t’ia “presë” krahët teknikut dhe nëse kërkon të largohet do ta lejojë.
Sipas “Sportmediaset”, kampionët e Italisë po mendojnë tashmë për një trajner tjetër për sezonin e ardhshëm. Janë shumë emra të mundshëm që priten të zëvendësojnë Spallettin në Napoli.
Zëvendësuesit e mundshëm të teknikut 64-vjeçar në skuadrën italiane janë, Rafael Benitez, Julian Nagelsmann, Antonio Conte, Roberto De Zerbi, Gian Piero Gasperini dhe Vincenzo Italiano.
© SYRI.net
Bëje LIKE dhe merr lajmin e fundit nga Sporti: