EURO 2024 vazhdon sot fazën kualifikuese me ndeshje shumë interesante që shohin në fushë jo vetëm skuadra pretendente për t’i shkuar deri në fund këtij turneu, por edhe rivalët e Shqipërisë në Grupin E.

Në Pragë ndeshen Republika Çeke me Poloninë, dy rivalët direkt për kualifikimin, ndërsa Moldavia pret në shtëpi Ishujt Faroe në ndeshjen tjetër të grupit.

Sigurisht supersfida e ditës është ajo mes Francës dhe Holandës, dy kombwtare me synime të qarta jo vetëm për të shkuar në turneun final, por edhe për të synuar fitoren e tij.

Në ndeshjet e sotme bie në sy aktivizimi nga minuta e parë i Paulauskas, sulmuesit të Egnatias, në ndeshjen që Lituania luan kundër Serbisë në Beograd.