Sulmuesi uruguaian Luis Suarez debutoi në mënyrën më të mirë të mundshme në klubin e tij të ri dhe në paraqitjen e tij të parë me fanellën e Gremio-s në Brazil, 35-vjeçar ishënoi një hat-trick në vetëm një pjesë, pra 38 minuta.
Ai shënoi tre gola në pjesën e parë të Superkupës së Recopa Gaucho në fitoren 4-1 të ekipit të tij kundër Sao Luiz, që ishte hera e parë që nga dhjetori 2013 që ai realizoi një hat-trick në pjesën e parë të lojës.
Herën e fundit që ai e bëri këtë si lojtar i Liverpoolit ishte në një duel kundër Norwich në Premier league dhe në total, ky është hat-triku i tij i 30-të në karrierën e tij profesionale.
Krahas atij të mbrëmshëm për Gremion, ai më herët ka shënuar hat-trick për kombëtaren e Uruguait (2), Liverpoolit (6), Ajaxit (9) dhe Barcelonës (12).
He might be 35 but Luis Suárez
— Football Tweet ⚽ (@Football__Tweet) January 18, 2023
has still got it. 🇺🇾🎩
This is his debut hat-trick for Grêmio. 👌
🎥 @TNTSportsBR pic.twitter.com/TSkMei9a7T
Goli i parë u shënua nga Suarez pasi kaloi topin mbi portierin kundërshtar, i dyti u shënua pasi zgjidhi në mënyrë rutinore një situatë ballë për ballë me portierin dhe i treti pasi e goditi fuqishëm nga ana e djathtë.
© SYRI.net
Bëje LIKE dhe merr lajmin e fundit nga Sporti: