Pas ndeshjes Roma-Genoa, e vendosur pikërisht nga një nga golat e tij, Paulo Dybala flet në mikrofonat e  “Sky” për golin që çekuilibroi ndeshjen: “Mendoj se ishte Mancini ai që rikuperoi një top të larguar mirë. Unë u ktheva pas mbrojtësve, u ktheva dhe pashë hapësirën, u afrova për të gjuajtur dhe më pas shënova”.

Çerekfinalja kundër Napolit në Maradona?

“Është një stadium shumë i nxehtë, ka një atmosferë të mrekullueshme. Të luash atje nuk është e lehtë dhe ata po ecin shumë mirë këtë vit. Duhet të përmirësohemi dhe të punojmë shumë”.

Mourinho tha për ju: “Paulo është një lojtar që e bën ekipin më të mirë, trajnerin më të mirë. Ka skuadra që kanë 5-6 lojtarë të cilësisë së tij, skuadra që kanë 11, ne nuk kemi aq shumë.. kur është Paulo, muzika është ndryshe”. Çfarë mendoni ju?

“Nëse vjen prej tij, është diçka e rëndësishme për atë që ka bërë në historinë e futbollit. Ai më donte këtu. Unë jam kampion bote edhe falë tij. Unë gjithmonë do të jap 200% për të dhe për të gjithë fansat”.

Me Argjentinën e gjithë skuadra ndihmoi në fazën e mbrojtjes:

“Alvarez ishte i pari që shtypi dhe të gjithë të tjerët vrapuan me të. Sulmuesit duhet të bëjnë presion dhe të ndihmojnë në fazën e mosposedimit dhe më pas të shfrytëzojnë hapësirat. Këtë na e kërkoi trajneri”.

Cili është ndryshimi më i madh mes Mourinhos dhe Allegrit?

“Në nivel personal ata janë shumë të ngjashëm, dy njerëz shumë të mirë, ata i ndihmojnë shumë lojtarët, ata marrin përgjegjësi. Kam punuar shumë më tepër me Allegrin, me Mou vetëm gjashtë muaj. Të dy kanë fituar shumë. Ata kujdesen si për fazën mbrojtëse, por edhe për atë sulmuese. Allegri më ka ndihmuar shumë të rritem, Mourinho po më ndihmon të përmirësohem çdo ditë”.