Sot, Kategoria Superiore do të ulë siparin e javës së shtatë me dy ndeshje interesante.
Në orën 15:00, në stadiumin “Kukës Arena” do të luhet sfida Kukësi-Bylis.
Verilindorët e Enkeleid Dobit do të kërkojnë fitoren e dytë radhazi pas asaj që morën javën e kaluar ndaj Laçit, e njëjta gjë vlen edhe për ballshiotët e Arian Bellait, të cilët synojnë vazhdimësinë e rezultateve pozitive.
Në po të njëjtën orë, në stadiumin e qytetit të Kamzës, do të luhet takimi Kastrioti-Teuta.
Krutanët e Emiljano Çelës duan kthesën teksa fitorja u mungon prej tre ndeshjesh radhazi, e njëjta gjë mund të thuhet edhe për durrsakët teksa janë të pozicionuar në vendin e fundit dhe në gjashtë sfida kampionati, ende nuk e kanë provuar shijen e fitores.
© SYRI.net
Bëje LIKE dhe merr lajmin e fundit nga Sporti: