Largimi i futbollistit polak Robert Lewandowski nga Bayerni te Barcelona është padyshim një ndër transferimet më të madha që kemi parë në merkaton e kësaj vere dhe ajo që po lë pas në këtë e bën atë një nga lojtarët më të mëdhenj në historinë e klubit bavarez për një arsye.
Në tetë vitet që kaloi te Bayern pasi iu bashkua nga Borussia Dortmund, Lewandowski luajti gjithsej 375 ndeshje në të cilat shënoi gjithsej 344 gola dhe dhuroi 54 asistime.
Kështu, Lewandowski do të mbetet golashënuesi i dytë më i mirë i Bayernit në histori, menjëherë pas Gerd Muller, i cili shënoi 523 gola për ekipin gjerman në karrierën e tij. Mirëpo, Muller gjithashtu luajti dukshëm më shumë ndeshje (580).
Robert Lewandowski's Bayern career by numbers:
— Squawka (@Squawka) July 16, 2022
◉ 375 games
◉ 344 goals
◉ 54 assists
◉ 8x Bundesliga
◉ 7x Torjägerkanone
◉ 5x DFL-Supercup
◉ 3x DFB-Pokal
◉ 2x Golden Shoe
◉ 1x Champions League
◉ 1x Club World Cup
◉ 1x Super Cup
Legendary. pic.twitter.com/q4uxMqPeTE
Në çdo sezon në të cilin luajti për Bayernin, Lewandowski fitoi titullin kampion gjerman dhe shtatë herë ishte golashënuesi më i mirë në Bundesligë. Përveç kësaj, në vitin 2021 ai theu rekordin e Gerd Müller për numrin e golave në një sezon dhe u bë i vetmi në histori që shënoi 41 gola.
Me Bayernin, polaku gjithashtu fitoi tre trofe të Kupës së Gjermanisë, pesë Superkupa, një herë fitoi Ligën e Kampionëve, së bashku me trofetë për kampionin e botës për klube dhe Superkupën e Evropës.
Gjithashtu, Federata Ndërkombëtare e Futbollit (FIFA) zgjodhi Lewandowskin si lojtarin më të mirë në botë në sezonin 2019/2020, që është ndoshta treguesi më i mirë se sa përparoi ai te Bayern dhe sa i rëndësishëm ishte ky klub për të në karrierën e tij.
© SYRI.net
Bëje LIKE dhe merr lajmin e fundit nga Sporti: