Ish-portieri i Manchester United dhe Rangers, Andi Goram, ka ndërruar jetë ditën e sotme në moshën 58-vjeçare si pasojë e kancerit të ezofagut.

Ish-fituesi i Premier Ligës refuzoi të kryente seancat e kimioterapisë pasi mjekët e informuan se i kishin mbetur vetëm 6 muaj jetë.

Gardiani është votuar si portieri më i mirë i historisë së Rangers në vitin 1999 dhe ka triumfuar në Premier Ligë në vitin 2001 me United.

Lajmi për vdekjen e tij u bë i ditur nga vetë klubi anglez, i cili i shprehu ngushëllimet familjarëve të Goram me një postim në “Twitter”.