Pak orë pas letrës së lamtumirës nga Gareth Bale, Real Madrid ka publikuar një deklaratë për shtyp për t'i dhënë lamtumirën uellsianit, i cili ishte në fund të kontratës së tij.

“Real Madrid dëshiron të shprehë mirënjohjen dhe dashurinë e tij për Gareth Bale, i cili është një legjendë e këtij klubi përgjithmonë .

Përtej listës së madhe të titujve, uellsiani ka lënë “gola të mrekullueshëm dhe vendimtar në mendjet e tifozëve madrilen” . “Real Madridi është dhe do të jetë gjithmonë shtëpia e tij. Real Madridi i uron atij dhe gjithë familjes së tij fat të mbarë”. Historia nuk përfundon këtu, pasi pak minuta më vonë, një mesazh me të njëjtin ton i është dërguar Isco-s, i cili po ashtu largohet nga “Los Blancos” në përfundim të kontratës së tij.