Mbappe konsiderohet gjerësisht si një nga lojtarët më të mirë në Evropë, pasi ka fituar tituj të shumtë të ligës në periudhat e Monakos dhe PSG-së, ndërkohë që ka fituar edhe Kupën e Botës me kombëtaren franceze.

Në kontrast të plotë, Dembele, i cili ishte gjithashtu pjesë e skuadrës që fitoi trofeun prestigjioz ndërkombëtar në 2018, e ka parë karrierën e tij të dëmtuar nga lëndimet që nga transferimi i tij në Barcelonë nga Borussia Dortmund në vitin 2017, por Gnabry ende e mban atë në një vlerësim më të lartë.

Anësori i Bayernit e renditi Dembelen mbi Mbappe kur peshoi cilësitë e tyre në një diskutim me kolegët e Allianz Arena, Thomas Muller dhe Joshua Kimmich në ‘Amazon Prime Video’.

“Lojtari më i mirë mes Dembeles dhe Mbappes? Për mua është Dembele”, tha 26-vjeçari.

Muller më pas u përgjigj: “Çfarë do të thuash, më i mirë? Nëse do të mund të driblonte si Dembele, do të ishte edhe më i mirë.”

Kimmich kishte fjalën e fundit dhe vendosi të mos e gjykonte Mbappe përpara se të këmbëngulte se Dembele është inferior ndaj Gnabry dhe Coman – ky i fundit ishte gjithashtu i pranishëm në debat.

“Nëse më kërkohet të zgjedh midis Dembele dhe Gnabry ose Coman, unë gjithmonë do të marr Gnabry ose Coman,” tha ai. “Të jem i sinqertë, ky debat për Dembelen më zhgënjen”.