Armando Broja ishte për të dytën herë radhazi titullar për Southampton, këtë herë në barazimin 2-2 me Burnleyn.

Pas golit në fitoren 1-0 ndaj Leeds, Broja ishte protagonist edhe ditën e sotme duke shënuar sërish për skuadrën e tij, por këtë pa pasur mundësinë t’i dhurojë fitoren, pasi “Shenjtorët” u ndalën në barazim 2-2.

Sipas portalit të specializuar të statistikave ‘’SOFA SCORE’’, djaloshi nga Kopliku ka bërë paraqitje pozitive duke marrë notën e lartë 7.

Gjithashtu, sulmuesi shqiptar ka prekur 22 herë topin, dhe ka fituar 3 duele ajrore.