Botërori/ Shqipëria e femrave njihet me kalendarin e kualifikueseve, e nis me Kosovën

Botërori/ Shqipëria e femrave njihet me kalendarin e kualifikueseve, e nis me Kosovën

10:52, 06/05/2021

Javën e kaluar, në Nion të Zvicrës u hodh shorti për ndarjen në grupe të 51 skuadrave përfaqësuese që do të marrin pjesë në kualifikueset për kampionatin Botëror “Australi – Zelandë e Re 2023”.

Shqipëria u shortua në grupin F, së bashku me Poloninë, Kosovën, Norvegjinë, Belgjikën dhe Armeninë. Pas konsultave mes skuadrave të grupit dhe UEFA-s që zgjatën disa ditë është përcaktuar edhe kalendari i ndeshjeve të vajzave kuqezi.

Shqipëria do ta nisë këtë fushatë kualifikuesesh në shtëpi, më 16 shtator të këtij viti, ku do të presë Kosovën dhe do ta mbyllë në transfertën ndaj Norvegjisë më 6 shtator të vitit 2022.

Vlen të theksohet fakti se për herë të parë, Shqipëria është ngjitur në vazon e katërt, sipas klasifikimit të fundit të UEFA-s, duke u renditur në vendin e 33-të dhe duke lënë pas shtete si Maqedonia e Veriut, Turqia, Mali i Zi, Izraeli etj.

Kualifikueset e Botërorit “Australi – Zelandë e Re 2023”

 

16/09/2021 Shqipëri – Kosovë

21/09/2021 Belgjikë – Shqipëri

 

21/10/2021 Shqipëri – Armeni

26/10/2021 Poloni – Shqipëri

 

25/11/2021 Shqipëri – Norvegji

30/11/2021 Kosovë – Shqipëri

 

07/04/2022 Shqipëri – Belgjikë

12/04/2022 Armeni – Shqipëri

 

01/09/2022 Shqipëri – Poloni

06/09/2022 Norvegji – Shqipëri

Image

 

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco