Një banderolë gjigante ka veshur njërën anë të stadiumit “Loro Boriçi në Shkodër”.

Pamja duket spektakolare. “Një skuadër, një ëndërr”, si dhe logo e skuadrës së Vllaznisë zënë pjesën më të madhe të kësaj banderole gjigante.

Ajo është një ide e ish-deputetit të Shkodrës, Bardh Spahia, i cili ia ka bërë dhuratë skuadrës së zemrës, duke iu uruar fitoren e kampionatit tifozëve të Vllaznisë.

“Siç i ka hije! Me urimin ma të mirë për fitore dhe një vit për t’u shënu në histori. Një dhuratë për skuadrën e qytetin tonë të zemrës!”- shkruan Bardh Spahia në postimin e videos që tregon momentet kur stadiumi “Loro Boriçi” vishet me banderolën gjigante.

Banderola, me përmasa 110m x 25m, ka tërhequr tifozët për të bërë foto në stadium.