Juventus ka arritur që të kualifikohet në çerekfinalet e Kupës së Italisë.
Bardhezinjtë e drejtuar nga Andrea Pirlo fituan me shumë vështirësi 3-2 ndaj skuadrës së Genoa-s, pas 120 minutave lojë.
Juve e pa veten në avantazh të dyfishtë, falë golave të Kulusevskit (2) dhe Morata-s (23), por kuqeblutë arritën të reagonin, duke barazuar shifrat, me anë të Czyborra (28) dhe Melegoni (75).
Me këtë rezultat u mbyllën 90 minutat e sfidës, por në shtesë, Juventusi u tregua më i saktë, duke shënuar me Rafian në minutën e 103’, i cili bëri debutimin dhe i siguroi skuadrës së tij kalimin në çerekfinale të Kupës.
© SYRI.net
Bëje LIKE dhe merr lajmin e fundit nga Sporti: