Me dhënien e “dritës jeshile” nga La Liga për rifillimin e futbollit, pas ndërprerjes, për shkak të pandemisë së koronavirusit, edhe futbollisti i kombëtares shqiptare, Armando Sadiku është rikthyer në stërvitje me skuadrën e Malagas, në mënyrë që të jetë i gatshëm për ta vazhduar formën fantastike
Mirëpo, përveç futbollit, sulmuesi ka gjetur kohën për të veshur edhe dorezat e boksit e këtë çast nuk ka nguruar për ta hedhur në Instagram. Aty ku vëmendje të madhe ka marrë edhe komenti i portierit të kombëtares, Etrit Berisha.
Gardiani i SPAL me shaka shprehet se Sadiku më në fund e paska gjetur sportin që i përshtatet më së shumti. “Bomber, më në fund e gjete sportin që të përshtatet”, ishte komenti i Etrit Berishës që në këtë sezon është shndërruar në protagonist me SPAL.
© SYRI.net
Bëje LIKE dhe merr lajmin e fundit nga Sporti: