Gjatë gjithë verës është folur për skuadrën e mundshme të Higuain, pasi askush nuk e shihte argjentinasin si pjesë të planeve të Sarri.

Lojtari argjentinas ka bërë të ditur se ai kishte idetë e qarta dhe ajo që interesonte ishte vetëm të qëndronte tek Juventus.

“Sapo u ktheva në Torino, i kisha idetë e qarta. Dëshiroja të qëndroja tek Juventus” ka thënë lojtari për ‘Sky Sport Italia’.

“Sinqerisht, askush nuk më tha asgjë kur u ktheva. U ktheva, punova fort që të provoja kualitetet e mia”.

“Është një skuadër e madhe, me një tifozëri të shkëlqyeshme” ka thënë ndër të tjera ylli argjentinas.

Higuain është aktivizuar titullar në javët e para të Serie A, madje në derbin kundër Napoli la gjurmë duke shënuar gol.