Cristiano Ronaldo ka një problem muskulor, ka njoftuar klubi i  Juventusit.

Ylli portugez sot do të jetë prezent në Villar Perosa, por nuk do të marrë pjesë në ndeshjen tradicionale mes Juventus A dhe Juventus B, ashtu siç ka njoftuar skuadra kampione nga Serie A.

Juventusi ka sqaruar se Ronaldo vuan nga një problem i vogël muskulor dhe se do të zhvillojë stërvitje individuale në ditët e ardhshme.

Por, problemi i tij vjen në kohën më të keqe, pasi vetëm 10 ditë na ndajnë nga fillimi i sezonit të ri në Serie A.