Premier League ka vendosur të ndihmojë skuadrën e Tottenham në prag të ndeshjes gjysmëfinale që Spurs do të luajnë ndaj Ajax në Champions League.
Sipas klubit londinez, drejtuesit e Premier kanë rënë dakord që të spostojnë ditën e ndeshjes mes Tottenham dhe Bournemouth në kampionat. Ky ndryshim i bë në mënyrë që ekipi i trajnerit Pochettino të ketë më shumë kohë për t’u përgatitur për ndeshjen ndaj Ajax.
Ndeshja mes Tottenham dhe Bournemouth është planifikuar që të luhet më 6 maj, por ajo do të luhet dy ditë më herët, më 4 maj. “Kjo është e rëndësishme, pasi na jep më shumë mundësi të përgatitemi për këtë ndeshje të rëndësishme për ne. Fakti që Federata na ndihmon me kalendarin është e rëndësishme për ne dhe futbollin anglez. Kemi mundësi të realizojmë diçka të jashtëzakonshme për klubin tonë”, tha Pochettino.
© SYRI.net
Bëje LIKE dhe merr lajmin e fundit nga Sporti: