Ndeshja mes Liverpoolit dhe Bayernit të Mynihut përfundoi me rezultatin 0-0 në “Anfield Road”.
Tashmë takimi i rradhës në 13 mars do të luhet në Gjermani, ku portieri i bavarezëve, Manuel Neuer, thekson se gjithçka është e hapur.
Kapiteni i kampionëve të Gjermanisë i thur elozhe shokut të tij të skuadrës, Javi Martinez, i cili mbrëmë bëri një ndeshje të madhe.
E dinim që do të ishte e vështirë, pasi Liverpooli është ekip me kualitet. Megjithatë, kemi mbrojtur mirë dhe ishim kompaktë deri në fund. Donim të merrnim një rezultat të mirë, por mëkat që nuk shfrytëzuam mundësitë. Martinez e vërtetoi sot se është ‘bishë’. Rezultati për ndeshjen e kthimit nuk është i keq, por mund të kishte qenë edhe më mirë. Në ndeshjen e ardhme çdo gjë është e hapur”, tha “gardiani” i bavarezëve.
© SYRI.net
Bëje LIKE dhe merr lajmin e fundit nga Sporti: