Kampioni i botës në peshat e rëndë, Deontay Wilder, ka kërcënuar me vdekje kundërshtarin Tyson Fury, duke i thënë që ai është bërë një vrasës dhe nuk është më një boksier normal.

“Ndihem në formë të shkëlqyer. Mentaliteti im ka ndryshuar, trupi im ka ndryshuar dhe tani ndihem si një vrasës. Jam transformuar në një vrasës. Fury do ta provojë këtë gjë”, tha Wilder.

Dueli mes tyre do të zhvillohet më 1 dhjetor në Los Angeles dhe do të jetë i vlefshëm për titullin kampion bote të kategorisë WBC.