Magjistarët kanë ekzistuar gjithmonë, e një e tillë është edhe një grua me dy identitete, që po bën “mrekullira” me ata që po kanë halle e probleme. Magjia kësaj radhe vjen nga Peja, me një protagoniste tepër të veçantë... Thuajse speciale, e cila bashkon çiftet me metoda tepër efikase. Dhe për sukseset e saj, flet me shumë krenari.

Gjithçka që do ju tregojmë nisi nga kjo grua, e cila duke parë vajzën e saj të dëshpëruar për humbjen e dashurisë, ka kërkuar shpëtim tek Lulja e Pejës. Pas bisedës së parë, Lulja nuk ka kohë për të humbur por bën menjëherë kërkesën financiare, për shërbimin që do bëjë. 3 mijë euro cash për të kthyer të dashurin e vajzës... Me rite makabre, të ngjashme me ato të fiseve në pyjet e Amazonës. Asgjë s’i ka ndodhur, por fakti që një të riu i jepet të pijë ujë me të cilin është larë një i vdekur, është vërtet rrënqethës. Sidoqoftë le ta njohim vetë këtë grua e cila me metodat e saj të neveritshme, arrin të mashtrojë personat që kalojnë momente të vështira në jetë. Për këtë, në takim i shfaqet një i ri me banim në Amerikë.

Menu shërbimesh cilësore, dhe çmime të favorshme për klientët. Kjo po që është një shëruese e vërtetë e shpirtrave.

I the sh bahet, ça flet ti? Kur vjen puna te leku, s’kemi kohë për të humbur, ndaj.... nisim shfaqjen...

Qenka rreth serioz... Sidoqoftë ne na intereson që të dalë sa më shpejt nga aty. Por, përveç plumbit, për ta forcuar sa më mirë magjinë! Lulja e Pejës përdor ‘’armën’’ e saj më të fuqishme, “ujin e të vdekurve”. Po nga na vjen kjo Lule e Magjisë së Zezë që po magjeps Pejën?

Problemi është nëse shkodranët janë krenarë për këtë që bën kjo zonjë që hiqet si mrekullibërëse.

Prandaj ky i ri e ka humbur dashurinë. Shkaku qenka Amerika dhe jeta boshe që bëhet atje, ndaj një derë në Pejë sapo është hapur.

Pas plumbit dhe ujit të të vdekurve, një produkt magjibërës që prodhon para, është risia e radhës e Lules së Pejës nga Shkodra.

Po sikur dikush të kërkojë më shumë nga jeta? E di ti që kanë nga dy gra, dy burra, një grua... A nuk është e pamoralshme kjo që sapo dëgjuam?

Por fama e Lules ka shkuar edhe në Bronx-in e zhurmshëm, atje ku një shqiptar i ka kërkuar ndihmë.

Pas këtij shërbimi tepër efikas, dhe bisedave të ngrohta me hallexhiun e radhës, ky i fundit i lë në dorë 40 euro, një shumë që nuk është se e lë të kënaqur magjistaren...

Pak ditë më vonë, i riu lë një tjetër takim me magjistaren, por në vend të tij paraqitemi ne...