Britania e Madhe heq vizat nga pasaporta, nga sot nis sistemi elektronik

Kush udhëton drejt Britanisë së Madhe, nuk do ta ketë më vizën në pasaportë. Nga sot, 25 shkurt 2026, sistemi kalon zyrtarisht në format elektronik.

Lajmi u bë i ditur nga Ambasada Britanike në Tiranë përmes një postimi në Facebook, ku sqarohet se sistemi i emigracionit në Mbretërinë e Bashkuar po digjitalizohet.

Sipas njoftimit, të gjithë vizitorët që kanë nevojë për vizë do të marrin vetëm visa elektronike e cila zëvendëson vizat fizike të vendosura në pasaportë.

Ambasada orienton qytetarët që për detaje të mëtejshme të informohen në faqen zyrtare gov.uk/eVisa.