Sarandë/ Ndërpritet furnizimi me ujë, shkak të turbullimit në burime

Ndërmarrja e Ujësjellës-Kanalizime Sarandë ka njoftuar ndërprerjen e furnizimit me ujë në qytetin bregdetar, si pasojë e turbullimit të ujit në burimet e Navaricës dhe në puset e fushës së Vrionit.

Sipas njoftimit zyrtar, furnizimi me ujë do të mbetet i pezulluar deri në normalizimin e situatës dhe rikthimin e parametrave të sigurt për konsum.

Ujësjellësi u kërkon qytetarëve mirëkuptim deri në stabilizimin e plotë të burimeve.