Dy ngjarje të rënda janë shënuar në gjimnazin ’Ibrahim Rugova’ në Kamëz. Më 1 tetor një nxënëse e kësaj shkolle u vetëvra, ndërsa bashkëmoshatarët e saj thonë se ajo bullizohej. Ndërsa dje gjatë pushimit të gjatë, një grup të rinjsh u konfliktuan me thika.
Eksperti i arsimit Ndriçim Mehmeti në një intervistë për edicionin e lajmeve të orës 19:00 në Syri Tv zbulon detaje të reja ndërsa shton se ngjarja është përpjekur të mbahej e fshehtë. Jo vetëm kaq. Aty kanë qenë oficerë por dhe të tjerë dhe askush nuk ka ndërhyrë për të ndarë të rinjtë që u konflikuan me thikë.
“Ngjarja është më e rëndë. Nga informacionet që unë kam nxënësit janë konfliktuar në shkollë. Ngjarja është shumë e herët në datë. Pastaj kanë dalë jashtë. Janë dy ngjarje të rënda në atë shkollë. Vajza 16 vjeçare që u vetësakrifikua.
Drejtuesi i shkollës dhe mësuesit i kanë marrë nxënësit brenda dhe u kanë marrë telefonat dhe u kanë thënë që të mos thonë gjë se është mirë të fshihet. Ka pasur oficerë që s’kanë ndërhyrë. Nuk ka asnjë deklaratë nga oficeri i sigurisë.
Ka dyshime se kanë ndërhyrë dhe nxënës të një shkolle tjetër aty afër. Më e tmerrshme është indiferenca qytetare e jashtëzakonshme. Ishin të gjithë aty e panë dhe nuk ndërhynë” tha ai për gazetaren Armela Ferko.© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
SYRI TV/ Vijon beteja ligjore kundër TEC në Roskovec, Banorët dhe ekspertët e mjedisit kundër TEC
Myslimanët sonte mirëpresin Vitin e Ri 1448 sipas Hixhrit
Kushte atmosferike të qëndrueshme, ja parashikimi i motit për sot