Si të kurseni energji dhe të lani rrobat më mirë/ Ja sekreti që shumica e njerëzve e injorojnë

Në lavatriçe jemi mësuar të ndjekim programe të caktuara larjeje. Problemi kryesor në çdo lavatriçe për familjet është energjia që ajo shpenzon.

Megjithatë, ekziston një buton që pothuajse askush nuk e përdor, i cili mund të jetë shumë i dobishëm, pasi lejon një kursim të madh energjie.

Bëhet fjalë për një buton të thjeshtë, të anashkaluar nga shumica e përdoruesve, që mund të ndryshojë mënyrën se si i lajmë rrobat dhe, njëkohësisht, të ulë ndjeshëm faturën e energjisë elektrike.

Sekreti qëndron tek temperatura. Shumica e rrobave lahen në temperaturë 40 gradë Celsius. Kjo temperaturë, edhe pse efektive për pastrimin, sjell një kosto të lartë në konsumin e energjisë elektrike të shtëpisë. Por nëse zgjedhim larjen në 20 gradë, kursimi i energjisë që arrihet është i konsiderueshëm.

Studimet tregojnë se ulja e temperaturës nga 40 në 20 gradë mund të çojë në një reduktim mesatar deri në 62% të kostos energjetike për çdo cikël larjeje. Kjo ulje lidhet drejtpërdrejt me energjinë e nevojshme për ngrohjen e ujit, sa më pak e ngrohim ujin, aq më pak energji konsumon lavatriçja.

Sa mirë pastrohen rrobat në 20 gradë?

Pyetja që lind natyrshëm është: a pastrohen mirë rrobat në këtë temperaturë të ulët? Është e vërtetë që uji i ngrohtë është më efektiv për të shpërbërë njollat dhe yndyrat.

Megjithatë, përparimet në përbërjen e detergjentëve ofrojnë zgjidhje. Detergjentët modernë, veçanërisht ata në formë të lëngshme, janë krijuar për të funksionuar mirë edhe në temperatura të ulëta, pasi përmbajnë enzima të veçanta që aktivizojnë procesin e pastrimit edhe në kushte më të ftohta.

Për njolla të forta, rekomandohet gjithmonë përdorimi i produkteve shtesë për heqjen e tyre.