Zbulohet proteina që përshpejton plakjen e trurit

Plakja e trurit është një proces kompleks, pak i mundshëm të ketë një shkak të vetëm. Por shkencëtarët mendojnë se mund të kenë gjetur një pjesë kyçe të enigmës: proteinën FTL1.

Një studim i publikuar në Nature Aging shikoi si ndryshonte truri i minjve ndërsa ata plakeshin. Ata donin të shihnin çfarë mund të drejtonte proceset që mund të ngadalësojnë aktivitetin tonë mendor dhe të dëmtojnë kujtesën me kalimin e viteve.

Shkencëtarët zbuluan se nivelet e larta të kësaj proteine lidhen me kujtesë më të dobët dhe më pak lidhje nervore në hipokampus pjesa e trurit përgjegjëse për mësimin dhe kujtesën.

Sipas studimit, kur niveli i FTL1 u rrit tek minjtë e rinj kavie, ata shfaqën shenja të plakjes së trurit, ndërsa kur u ul te minjtë më të vjetër në moshë, funksionet e tyre njohëse u përmirësuan dhe truri u duk më “i ri”.

Duke folur për Universitetin e Kalifornisë, San Francisko, autori kryesor i studimit, Dr. Saul Villeda, tha:
“Ne po shohim më shumë mundësi për të lehtësuar pasojat më të këqija të plakjes. Është një kohë shpresëdhënëse për të punuar në biologjinë e plakjes.”