Konsumimi i arrave është treguesi ideal për stimulimin e dëshirës seksuale, një studim i ri i konsideron frutat e thata si një aleat të çmuar kundër sulmeve në zemër dhe goditjeve në tru.

Arrat janë një burim i mirë i yndyrave të pangopura dhe përmbajnë pak yndyra të ngopura, gjithashtu kanë proteina, kripëra minerale, vitamina, fibra, fitosterole dhe polifenole, të dobishme për shëndetin e zemrës, megjithëse karakterizohen nga një densitet i lartë energjie (30 gram arra ato janë afërsisht 170-180 kalori).

Përfitimet e arrave nuk mbarojnë me kaq.

Janë një burim i shkëlqyer i antioksidantëve

Falë përmbajtjes së mirë të vitaminës E dhe përbërësve të tjerë bimorë të quajtur polifenole, veçanërisht të pranishme në “lëkurën” e arrave, ato ndihmojnë në luftimin e stresit oksidativ duke neutralizuar radikalet e lira.

Luftojnë kolesterolin dhe hipertensionin

Falë përmbajtjes së lartë të acideve yndyrore mono dhe poli të pangopura (yndyrna të mira), ato reduktojnë numrin e grimcave LDL (kolesteroli i keq), përmirësojnë funksionin e arterieve dhe mbajnë presionin diastolik të gjakut të ulët (të ashtuquajturin minimum). duke ulur rrezikun kardiovaskular me 35-53%.

Ulin indeksin glicemik

Arrat ndihmojnë në rregullimin e sheqerit në gjak dhe ngadalësojnë reagimin glicemik. Prandaj, ato janë veçanërisht të përshtatshme për diabetikët. Burimi i lartë i acidit alfa-lipoik që ato përmbajnë gjithashtu redukton inflamacionin e lidhur me diabetin.

Mbrojnë kundër inflamacionit

Arrat janë të pasura me magnez, fibra, l-arginine, antioksidantë, acide yndyrore të pangopura si acidi alfa linoleik. Megjithëse nuk është e qartë se cilit prej këtyre komponentëve i shkaktohen efektet anti-inflamatore, provat shkencore kanë treguar se konsumi i arrave redukton nivelet qarkulluese të citokineve inflamatore, veçanërisht proteinës C-reaktive, dhe modulon prodhimin e oksidit nitrik (prodhuar nga disa qeliza të sistemit imunitar që e përdorin atë për t’u mbrojtur nga sulmet e antigjenit).

Ju ndihmojnë të humbni peshë

Edhe pse konsiderohen si një ushqim me shumë kalori, arrat ju ndihmojnë të humbni peshë. Konsumimi i arrave, duke qenë të pasura me fibra, reduktojnë përthithjen e kalorive dhe ju ndihmojnë të ndiheni të ngopur, duke e bërë kështu dietën më të lehtë.

Lehtësojnë rregullsinë e zorrëve

Falë përmbajtjes së lartë të fibrave, arrat kanë një ndikim pozitiv në mikrobiotën e zorrëve (grumbullimi i mikroorganizmave të pranishëm në zorrë), duke promovuar rregullsinë e mirë të zorrëve.

Përmirësojnë funksionin erektil

Sipas një studimi të  Universitetit Rovira i Virgili  (Spanjë) konsumi i përditshëm i 60 gram arrave, bajameve dhe lajthive siguron një përmirësim të ndjeshëm të funksionit erektil, duke përmirësuar kështu jetën seksuale.