Gjatë dy dekadave të fundit, ka pasur një rritje të shpejtë të kancerit të fytit në perëndim, në masën që disa e kanë quajtur atë një epidemi, shkruan Protothema. 

Kjo ka ardhur për shkak të një rritjeje të madhe të një lloji specifik të kancerit të fytit të quajtur kancer orofaringeal (zona e bajameve dhe e pasme e fytit). 

Shkaku kryesor i këtij kanceri është papillomavirusi i njeriut (HPV), i cili është edhe shkaktari kryesor i kancerit të qafës së mitrës. Kanceri orofaringeal tani është bërë më i zakonshëm se kanceri i qafës së mitrës në SHBA dhe MB.

HPV transmetohet seksualisht. Për kancerin orofaringeal, faktori kryesor i rrezikut është numri i partnerëve seksualë gjatë gjithë jetës, veçanërisht seksi oral. 

Ata me gjashtë ose më shumë partnerë gjatë jetës dhe ata që praktikojnë seks oral kanë 8.5 herë më shumë gjasa të preken nga kanceri orofaringeal se ata që nuk praktikojnë seks oral.

Studimet e tendencave të sjelljes tregojnë se seksi oral është shumë i përhapur në disa vende. 

Sipas një studimi me pothuajse 1000 njerëz që kishin kryer tonsilektominë (heqjen e tonsileve/bajameve) për arsye jo kanceroze në MB, 80% e të rriturve raportuan se kishin praktikuar seks oral në një moment të jetës së tyre. 

Megjithatë, vetëm një numër i vogël i atyre njerëzve kishin kancer orofaringeal. Pse është kjo, nuk është e qartë.