Ndërkohë që rastet e XBB.1.5 po shtohen në mbarë botën, institucioni më autoritar i SHBA-së për epideminë i dha fund diskutimit për efektet anësore të vaksinës anti-covid.
Qendrat për Kontrollin dhe Parandalimin e Sëmundjeve (CDC) dhe Administrata e Ushqimit dhe Barnave (FDA) kanë shqyrtuar pretendimet për rritjen e rrezikut të goditjes në tru në pacientët mbi moshën 65 vjeç.
CDC dhe FDA njoftuan se hetimet dolën në përfundimin se vaksina anti-covid e Pfizer nuk ka lidhje me rrezikun në fjalë.
“Ne kemi parë të gjitha të dhënat dhe aktualisht nuk ka vend për shqetësime'' tha një zyrtar i FDA për Washington Post.
Është bërë e ditur se 130 shtetas amerikanë mbi moshën 65 vjeç janë prekur nga situata.
Ekspertët nënvizuan se kjo përbën 0.02 për qind të të vaksinuarve dhe e vlerësuan si anomali statistikore.
Që nga janari 2023, më shumë se 396 milionë doza të vaksinës Pfizer-BioNTech janë administruar në SHBA, i cili është vendi me numrin më të madh të vdekjeve me mbi 1 milion vdekje në epideminë e koronavirusit.
Asnjë dëshmi që ndikon në fertilitetNjë studim i publikuar në BMJ Medicine kohët e fundit arriti në përfundimin se nuk ka asnjë tregues që vaksinat anti-covid ndikojnë në fertilitetin.
Duke nënvizuar se cikli menstrual mund të ndikohet nga faktorë të ndryshëm si stresi, humbja apo shtimi i peshës dhe ushtrimet intensive, ekspertët nënvizuan se një ditë vonesë është jashtëzakonisht normale.
Nga ana tjetër, CDC arriti në përfundimin se njerëzit e pavaksinuar kishin 9 herë më shumë gjasa të vdisnin nga koronavirusi.
Kur u ekzaminua vaksina Johnson & Johnson, u panë 0.23 vdekje për 100 mijë njerëz.
Kjo normë rezultoi të ishte 1.6 tek ata që nuk ishin vaksinuar ose nuk kishin një dozë përforcuese.
© SYRI.net