Është kryer për herë të parë në botë transplanti i zorrëve tek një fëmijë 1 vjeç.
“Fëmija tani ka dalë nga spitali dhe është në gjendje të përsosur shëndetësore në shtëpi me prindërit e saj”, thuhet në një deklaratë të lëshuar nga spitali spanjoll La Paz në Madrid.
Vajza e vogël Emma, ishte diagnostikuar me një sëmundje në zorrë kur ishte vetëm një muajshe. Zorra e saj ishte shumë e shkurtër dhe shëndeti i saj u përkeqësua me shpejtësi derisa detyroi mjekët të kryenin transplantin.
Përveç zorrëve, Emës iu dhuruan edhe oragane të reja si mëlçi, shpretkë dhe pankreas.
“Lajmi i mirë është se jeta vazhdon, që Ema është shumë e guximshme dhe që dëshiron të vazhdojë të jetojë, këtë po na e dëshmon çdo ditë, sepse po ecën shumë mirë, çdo ditë na surprizon me gjëra të reja.
Jemi të kënaqur dhe shumë mirënjohës për familjen e donatorit, për ekipin mjekësor dhe për të gjithë njerëzit që na kanë mbështetur në këtë rrugë të gjatë, e cila ka qenë shumë e vështirë”, është shprehur nëna e Emës, Ana.
Shumica e organeve të transplantuara vijnë kryesisht nga donatorët të cilët kanë pësuar vdekje të trurit, por zemra e tyre ende rreh dhe kjo i mban organet të paprekura. Vlen të theksohet se Spanja është një vend lider në kryerjen e transplanteve të organeve.
Klan News
© SYRI.net