Agjencia e Barnave (EMA) e cila po shqyrton aplikimet për miratimin e tre vaksinave kandidate kundër COVID-19 njoftoi sot se licencimin e vaksinave të para është mundur deri në fund të vitit ose në fillim të vitit 2021.

EMA me seli në Amsterdam ka misionin të licencojë dhe të kontrollojë ilaçet në Bashkimin Evropian.

Drita e gjëlbër përfundimtare jepet nga Komisioni Evropian dhe lejon laboratorët të tregtojnë ilaçet e tyre brenda Bashkimit Evropian.

Ky njoftim nga EMA vjen pasi Presidentja e Komisiont Evropian, Ursula von der Leyen tha javën e kaluar se agjencia mund të miratojë vaksinat Pfizer-BioNtech dhe Moderna në gjysmën e dytë të dhjetorit.

‘Në këtë fazë është e vështirë të parashikosh saktë kohën e licencimit të vaksinave, sepse ne ende nuk i kemi të gjitha të dhënat dhe rezultatet e vlerësimit të vazhdueshme në proces’ shkruante EMA një një email për AFP.

"Në varësi të progresit të vlerësimit, EMA mund të jetë në gjendje të përfundojë vlerësimin e kandidatëve më të përparuar deri në fund të këtij viti ose në fillim të vitit të ardhshëm."

Agjencia Evropiane e Barnave ka zbatuar një procedurë të shpejtë që e lejon atë të rishikojë të dhënat e sigurisë dhe efikasitetit të vaksinave sa më shpejt që ato të dorëzohen, përpara se të paraqitet një aplikim për autorizim nga prodhuesi. 

Vaksinat Oxford / AstraZeneca, Pfizer / BioNTech dhe Moderna janë tre programet që aktualisht vlerësohen nga EMA.