Më shumë se 80% e pacientëve me COVID-19 të pranuar në një spital spanjoll kishin mungesë të vitaminës D , sipas një studimi të ri nga studiuesit në Universitetin e Cantabria në Santander, Spanjë, botuar në Journal of Clinical Endocrinology & Metabolism.

Vitamina D është një hormon i prodhuar nga veshkat dhe që kontrollon përqendrimin e kalciumit në gjak dhe ndikon në sistemin imunitar. 

Mangësia e kësaj vitamine ka qenë e lidhur me një sërë problemesh shëndetësore, megjithëse ende nuk ka një përgjigje shkencore sepse ky hormon ndikon në sistemet e tjera në trup.

Shumë studime kanë demonstruar tashmë efektin e dobishëm të vitaminës D në sistemin imunitar, veçanërisht në drejtim të mbrojtjes nga infeksionet.

Nënshkruesit e studimit theksojnë që matja e niveleve të vitaminës D dhe adresimi i mungesës duhet të inkurajohen, veçanërisht në grupet me rrezik të lartë si të moshuarit, ata që kanë sëmundje bashkëshoqëruese dhe ata që jetojnë në azile.

"Trajtimi i vitaminës D duhet të rekomandohet në pacientët me COVID-19, pasi kjo qasje mund të ketë efekte të dobishme si në sistemin muskulo-skeletor dhe imunitar," tha bashkëautorja e studimit. José L. Hernández , Ph.D. të Universitetit të Cantabria.

Studiuesit zbuluan se 80% e gjithsej 216 pacientëve me COVID-19 në Spitalin Universitario Marqués de Valdecilla kishin mungesë të vitaminës D. 

Burrat kishin nivele më të ulëta të vitaminës D sesa gratë.