Më shumë se 40 milionë banorë janë izoluar në Kinë, kurse ekspertët thonë se sëmundja e koronavirusit mund të prekë 350 mijë njerëz deri në fund të muajit. Për më tepër, një zhvillim shqetësues vjen sa i përket përhapjes së sëmundjes
Nga James Gallagher, BBC
Ne kemi tani një informacion të rëndësishëm- njerëzit pa simptoma të infeksionit mund të jenë në gjendje të përhapin virusin.
Shkencëtarët në Kinë kanë publikuar informacione të hollësishme në revistën mjekësore ‘Lancet’ për rastet e para në vend.
Aty përfshihet edhe informacioni për një fëmijë pa simptoma të jashtme, por me një infeksion të qartë koronavirusi në mushkëri.
Profesor Kwok-Yung Yuen nga Spitali Universitar Hong Kong-Shenzhen tha se duket i mundshëm edhe infeksioni asimptomatik.
Sa shpesh dhe me sa lehtësi ndodh kjo, ende mbetet e paqartë, por kjo mund ta bëjë virusin shumë të vështirë për t’u kufizuar.
Profesor Yuen thotë se nëse ky është rasti, atëherë kontrolli i epidemisë do të varet nga izolimi i pacientëve duke kaluar në karantinë këdo që ka rënë në kontakt sa më shpejt të jetë e mundur.
Studiuesit gjithashtu thanë se virusi i ri është i lidhur ngushtë me atë që është gjetur te lakuriqët.
© SYRI.net