Bashkimi Evropian po shqyrton mundësinë e vendosjes së sanksioneve ndaj presidentit të Serbisë, Aleksandar Vuçiç, për shkak të mungesës së përparimit në reformat kyçe të kërkuara për anëtarësim në BE.

Sipas zhvillimeve të fundit në Parlamenti Evropian, eurodeputetët kanë paralajmëruar masa që mund të prekin drejtpërdrejt interesat ekonomike dhe politike të Beogradit, duke sinjalizuar se durimi i Brukselit është drejt fundit.

Në raportin më të fundit të Parlamentit Evropian, Serbia kritikohet për mungesë progresi në fusha thelbësore si sundimi i ligjit, liria e medias, standardet demokratike dhe bashkëpunimi me BE-në. Një vëmendje e veçantë i kushtohet edhe ngecjes në dialogun për normalizimin e marrëdhënieve me Kosova.

Eurodeputeti Tonino Picula theksoi se qasja e deritanishme e BE-së ka dështuar të prodhojë rezultate konkrete.

‘Shikimi përmes gishtave nuk ka sjellë ndryshim. Tani BE-ja po konsideron masa që mund të ndikojnë direkt në interesat e Serbisë’, deklaroi ai.

Sipas burimeve nga Brukseli, opsionet në shqyrtim përfshijnë kufizime financiare dhe masa të tjera që synojnë pikat kyçe të ndikimit politik dhe ekonomik të Serbisë.

Eurodeputetët argumentojnë se këto masa janë një përgjigje ndaj retorikës anti-BE dhe një politike të jashtme që nuk përputhet me linjën evropiane.

Analistët vlerësojnë se çdo vendim për sanksione do të përbënte një test të rëndësishëm për angazhimin e BE-së për të mbajtur Serbinë përgjegjëse dhe për të ruajtur kredibilitetin e procesit të zgjerimit. /Telegrafi