Depoja e Gjykatës së Lartë mban shumë gjëra, që nga dosjet e deri tek llojet e ndryshme të armëve. Megjithatë, ka edhe sasi të mëdha droge. Nuk dihet nëse kjo ishte gjithashtu interesante për njerëzit që hapën tunelin. Gjykata e Lartë thotë se kokaina me origjinë nga dy raste ishte siguruar posaçërisht dhe se në mënyrë të përsëritur kanë treguar nevojën për të kaluar në një sistem kampionimi në vend të mbajtjes së sasisë së plotë të drogës.

Të ftuarit e paftuar të Gjykatës së Lartë nuk mund të ndiheshin rehat.

 “Unë do t’ju them se kryetari i Gjykatës së Lartë në Podgoricë ka informuar publikun diku në qershor ose korrik se ka nëntë tonë drogë narkotike në seksionin e Gjykatës së Lartë në Podgoricë”, tha avokati Stefan Jovanoviq për TVCG.

Prandaj sipas tij, shtrohet pyetja nëse hajdutët po tentonin të nxirrnin një sasi të caktuar droge. Në depon e Gjykatës së Lartë ndër të tjera është sekuestruar kokaina në Zetë, por edhe ajo e gjetur në magazinën e Volijës.

“Theksoj se kjo lëndë narkotike nga ato dy raste mbahet në vend të veçantë me masa të posaçme të mbrojtjes teknike dhe fizike. Në ngjarjet e fundit nuk ka pasur rrezik për konfiskim”, tha Marija Rakoviq, këshilltare për marrëdhënie me publikun nga Gjykata në Podgoricë.

Jovanoviq thekson se “jo vetëm që droga narkotike duhet të matet sërish, por çdo paketë duhet të hapet dhe të kontrollohet për të parë nëse lënda narkotike është në të njëjtin vend”.

“Prandaj bëhet fjalë për diçka që vlen dhjetëra e dhjetëra milionë euro në tregun e zi, dhe ndoshta kjo është arsyeja e vërtetë e gërmimit të tunelit deri në gjykatë”, thotë Jovanoviq.