Eurodeputeti holandez, Thjis Reuten, ka lavdëruar shkrimin e CNN për presidentin e Serbisë, Aleksandar Vuçiq, i cili thoshte se qasja e Perëndimit “nuk shoh të keqe” ndaj tij ka filluar të plasaritet.

Ai tha se Vuçiq po refuzon të zgjedhë atë që është e mirë për popullin e tij, derisa përmendi edhe “zbutjen” që po i bëhet Serbisë nga Perëndimi.

“Një lexim i mirë për presidentin e Serbisë Vuçiq [i cili] tashmë për më shumë se një dekadë që refuzon të bëjë zgjedhje të qarta në interes të popullit të tij. Ndihmuar nga një politikë katastrofike qetësimi nga BE dhe aleatët”, ka shkruar ai, duke e shpërndarë artikullin e CNN.

Qeveritë perëndimore e kanë trajtuar prej kohësh Serbinë si zërin e domosdoshëm ballkanik, ndonjëherë në kurriz të lojtarëve më periferikë, thanë disa analistë për CNN.

“Besimi i tyre është se Serbia është shteti ballkanik, siç e shohin ata. Serbia është ajo që, nëse mund t’i sillni në anën tuaj – çfarëdo që mund të nënkuptojë – gjithçka do të jetë më e lehtë”, tha për CNN Jasmin Mujanoviq, një shkencëtar politik i specializuar në Ballkanin Perëndimor.

Po ashtu, CNN në shkrim e prezanton edhe si “kali i Trojës” i Rusisë në Ballkan. 

???? Good read about Serbia’s president Vucic already for over a decade refusing to make unambiguous choices in the interest of his people. Helped by a disastrous policy of appeasement by the EU and allies. https://t.co/X7QfNpmTBQ

— Thijs Reuten ??? (@thijsreuten) August 16, 2023