Greqia po planifikon të shlyejë huanë e marra nga Fondi Monetar Ndërkombëtar dhe partnerët eurozonës, hua që shteti fqinj i mori për të parandaluar falemintimin gjatë krizës financiare midis 2010 dhe 2014.

Zyrtarët grek të cilët folën në kushte anonimiteti i thanë Reuters se grupi i fundit prej 28 miliardë euro do t’i paguhet FMN-së në dy muajt e ardhshëm.

Përveç kësaj, qeveria greke do të shlyejë rreth 5.3 miliardë euro kredi të marra nga partnerët e eurozonës që skadonin në 2022 dhe 2023 deri në fund të tremujorit të parë.

“Ne planifikojmë të përfundojmë shlyerjen në dy muajt e ardhshëm”, tha një zyrtar për Reuters.

"Kjo do të na ndihmojë të zvogëlojmë raportin e borxhit ndaj PBB-së dhe do të dërgojë gjithashtu një sinjal për tregjet se ekonomia greke është e fortë dhe e shëndetshme," shtoi një zyrtar i dytë.

Athinës i nevojiteshin tre paketa ndërkombëtare shpëtimi nga Bashkimi Evropian dhe FMN-ja ndërmjet viteve 2010 dhe 2015, me një total prej më shumë se 260 miliardë euro. 

Që nga dalja e paketës së shpëtimit në 2018, ajo është mbështetur vetëm në tregje për nevojat e saj financiare.

Mosmarrëveshjet dhe konfrontimet midis delegacionit të FMN-së në Athinë dhe qeverive të njëpasnjëshme greke mbi kushtet e ashpra shtrënguese të vendosura nga fondi ishin të shpeshta gjatë viteve të krizës kur Greqia ishte në recesion të thellë me papunësinë që arrinte deri në 27%.