Mali i Zi nuk pranon t'i bashkohet mini-Shengenit ballkanik: Ne i kemi hapur kufijtë!

Mali i Zi nuk pranon t'i bashkohet mini-Shengenit ballkanik: Ne i kemi hapur kufijtë!

08:03, 13/11/2019

Ministrja e Ekonomisë e Malit të Zi, Dragica Sekuliq, hodhi poshtë idenë për t'iu bashkuar një versioni ballkanik të zonës Shengen, që synon të heqë pengesat për tregtinë e lirë dhe udhëtimet midis Shqipërisë, Maqedonisë së Veriut, Serbisë, Kosovës e Bosnjë-Hercegovinës.

Ministrja Sekuliq tha se bashkimi në nismën mini-Shengen për shtetet e Ballkanit e propozuar nga Shqipëria, Maqedonia e Veriut dhe Serbia është një humbje energjie, shkruan sot “Koha Ditore”. Ajo ka sqaruar se si Mali i Zi tashmë “i ka hapur kufijtë e tij” dhe se ka hequr barrierat tregtare për fqinjët.

Ka treguar se Mali i Zi është anëtar i Marrëveshjes së Tregtisë së Lirë të Evropës Qendrore (CEFTA), një iniciativë rajonale për vendet e Ballkanit Perëndimor që garanton qarkullimin e lirë të njerëzve dhe mallrave.

“I kuptoj nismëtarët. Këto janë vende që, për shkak të barrierave të ndryshme tregtare që i kanë vendosur njëri-tjetrit, mund të ketë nevojë për një iniciativë të re për të premtuar përsëri se ata do të bëjnë atë që ne e kemi bërë prej kohësh”, ka deklaruar Sekuliq.

© SYRI.net

Lexo edhe:

Komentet

Shto koment

Denonco