Prençi: Draft-ligji në Kongresin Amerikan është mesazh për SPAK-un, Rama po shkon drejt fundit politik

Shemsi Prençi, ish drejtues policie i ftuar në emisionin "Kafe Shqeto", u shpreh se një draft-ligj i propozuar në Kongresin Amerikan përbën një mesazh të drejtpërdrejtë për SPAK-un dhe paralajmëron zhvillime të forta në çështjen "Aruba".

Ai u shpreh se, pas dy goditjeve të deritanishme pritet një goditje e tretë që do të prekë edhe emra të politikës shqiptare, ndërsa ish-sekretari i përgjithshëm i kryeministrit do të japë shumë shpejt llogari para Prokurorisë së Posaçme.

Prençi deklaroi gjithashtu se partnerët amerikanë dhe evropianë janë gjithnjë e më të shqetësuar për situatën në Shqipëri dhe se kushtet po piqen që Edi Rama të mos jetë më në pushtet në pranverën e vitit të ardhshëm.

Pjesë nga deklarata:

Paralelisht me draft-ligjin, ose amendamentin ligjor që është propozuar në Kongresin Amerikan, ky është një mesazh edhe për SPAK-un, pranë të cilit janë të instaluar ekspertët më të mirë amerikanë dhe evropianë, të cilët kohët e fundit i kanë kushtuar një rëndësi shumë të madhe problemeve që burojnë nga çështja "Aruba". Janë dhënë dy goditje dhe pritet të ketë një goditje të tretë, ku do të ketë edhe politikanë brenda. Besoj se shumë shpejt do të japë llogari përpara organeve të Prokurorisë së Posaçme në Shqipëri ish-sekretari i përgjithshëm i kryeministrit të Shqipërisë, pjesëmarrës de facto në "Aruba", i cili ka monitoruar gjithë koordinimin e botës së krimit me mesazhin e përcjellë nga kryeministri i Shqipërisë për garancinë e investimeve në tokën e premtuar, si edhe lidhjet që ka me të gjitha grupet kriminale të trafikut ndërkombëtar të drogës dhe premtimet që u ka bërë.

Në këtë kontekst, mund të them se kjo është diçka e koordinuar, sepse Shtetet e Bashkuara të Amerikës janë të shqetësuara, pasi opozita shqiptare, për hir të së vërtetës, në mënyrë të vazhdueshme, prej më shumë se pesë vitesh, ka thënë se Shqipëria është kthyer në një narkoshtet. Tashmë nuk ka më veshë të shurdhër as në Shtetet e Bashkuara të Amerikës, as në Evropë, sepse sidomos protesta e qytetarëve ka trazuar shumë ujërat në politikë dhe i ka ndërgjegjësuar të gjithë faktorët ndërkombëtarë se është e vërtetë që Shqipëria qenka një narkoshtet, sepse shqiptarët janë të pakënaqur.

Edi Rama e ka paraqitur Shqipërinë si një projekt 3D dhe me reklama, duke të konsideruar ty, Banak, çdo televizion banak dhe kazan, ndërkohë që tashmë është vërtetuar se kazani më i madh në Shqipëri është Edi Rama, me ushtrinë e patronazhistëve, të cilët po i ke parë, edhe pse ai po i ngacmon me shkop për çështjen e algoritmit. Por ai është në disa nga ditët e fundit të qeverisjes së tij.

Ndërkohë, politika amerikane, organet ligjzbatuese dhe agjencitë ligjzbatuese amerikane janë të bindura se veprimtaria kriminale nuk është e popullit shqiptar; është pikërisht e kryeministrit, sepse nuk mund të lulëzojë...

Është e vërtetuar tashmë se Shqipëria nuk ka pasur një qeveri. Qeveria ka qenë në dispozicion të oligarkëve dhe botës së krimit. Edhe me atë parullën e famshme, nëse ju kujtohet, që Edi Rama premtonte në vitin 2014, "Policia që duam", por faktikisht solli në pushtet policinë që deshi Rama, të cilën polici e ka dhënë me koncesion. E ka dhënë me koncesion pikërisht te bota e krimit dhe te oligarkët.

Them se do të jetë fundi i vërtetë. Fundi i vërtetë. Ndoshta nuk mund ta themi me ditë, por ky vit do të jetë viti që do ta shkatërrojë Edi Ramën, për shkak se do të piqen të gjitha kushtet. Mundet që në pranverë... në pranverën e vitit tjetër, Edi Rama nuk do të jetë në pushtet. Kurrsesi nuk mund të jetë, sepse e ka njollosur veten në...